افغان سکیورٹی فورسز کی سرحد پرفائرنگ،پاک فوج کے6جوانوں سمیت 11 زخمی   


کو شائع کی گئی۔ October 30, 2019    ·(TOTAL VIEWS 47)      No Comments

 

اسلام آباد: (یواین پی) پاکستان اور افغانستان کی سکیورٹی فورسز کے درمیان پاک افغان بارڈر پر فائرنگ کا تبادلہ ہوا ہے۔ فائرنگ کی زد میں آ کر پاک فوج کے 6 جوان، خاتون سمیت 5 شہری بھی زخمی ہوئے۔پاک فوج کے شبعہ تعلقات عامہ کے ڈائریکٹر جنرل (ڈی جی) میجر جنرل آصف غفور کے مطابق افغان فورسز نے افغانستان کے ضلع ناری سے بھاری مشین گنز سے فائرنگ کی۔ڈی جی آئی ایس پی آر کے مطابق افغان فورسز نے مارٹر گولوں کا بھی استعمال کیا۔ افغان فورسز کی طرف شہری آبادی کو نشانہ بنایا گیا۔ افغان فورسز کی فائرنگ سے چترال کے گاؤں اروند میں فائرنگ سے پاک فوج کے 5 اہلکار زخمی ہوئے۔پاک فوج کے شعبہ تعلقات عامہ کے ڈی جی کے مطابق زخمیوں میں ایک خاتون سمیت 5 شہری بھی زخمی ہوئے، فائرنگ کے جواب میں پاک فوج کی جانب سے بھرپور جوابی کارروائی کی گئی۔ڈی جی آئی ایس پی آر کے مطابق پاک فوج کی جانب سے افغان پوسٹوں کندکی اور دلبر کو نشانہ بنایا گیا،دھرتی ماں کے رکھوالوں کی جوابی کارروائی سے افغان پوسٹوں کو شدید نقصان پہنچا۔
پاک فوج کے شعبہ تعلقات عامہ (آئی ایس پی آر) کے ڈائریکٹر جنرل میجر جنرل آصف غفور کے مطابق دونوں جانب سے عسکری حکام کے روابط کے بعد فائرنگ کا سلسلہ روک دیا گیا۔

Readers Comments (0)




Weboy

WordPress Blog