دورہ پاکستان؛ بنگلادیشی ٹیم کو سیکیورٹی کلیئرنس کا انتظار   


کو شائع کی گئی۔ November 27, 2019    ·(TOTAL VIEWS 14)      No Comments

 

لاہور(یو این پی ) دورۂ پاکستان کیلیے بنگلادیشی ٹیم کو سیکیورٹی کلیئرنس کا انتظار ہے۔مقامی میڈیا سے بات چیت کرتے ہوئے بی سی بی کے چیف ایگزیکٹیو نظام الدین چوہدری نے کہاکہ بنگلادیشی کرکٹ ٹیم کو 18 جنوری کو پاکستان روانہ ہونا ہے لیکن اس کا حتمی فیصلہ سیکیورٹی کلیئرنس ملنے پر ہوگا، سیکیورٹی دورے کے بعد ہماری ویمنز اور انڈر16بوائز ٹیمیں کھیلنے کیلیے گئی تھیں لیکن ابھی تک قومی ٹیم کیلیے کلیئرنس نہیں ملی،پاکستان میں بنگلادیش کا ہائی کمیشن ہے، آئی سی سی بھی سیکیورٹی کا آزادانہ جائزہ لیتی ہے،ان کی جانب سے گرین سگنل ملتے ہی ٹور کیلیے تیار ہوں گے۔نظام الدین چوہدری نے امید ظاہر کی کہ پاکستان کے ساتھ سیریز کا انعقاد ممکن ہوجائے گا، ویمنز اور انڈر 16 بوائز ٹیموں کے دورے کامیاب رہے، آپ کہہ سکتے ہیں کہ اس دوران کوئی غیر معمولی صورتحال پیدا نہ ہوئی تو کلیئرنس مل جائے گی لیکن ہمیں آفیشل رپورٹ کا انتظار کرنا ہوگا۔یاد رہے کہ گذشتہ روز بھارتی میڈیا میں یہ اطلاعات سامنے آئی تھیں کہ بنگلادیشی کرکٹرز کو پاکستان میں ٹیسٹ میچز کھیلنے پر تحفظات ہیں اور دورہ صرف 3ٹی ٹوئنٹی میچز تک محدود کیے جانے کا خدشہ ہے،دوسری جانب پی سی بی کا موقف تھا کہ ہم آئندہ ہر ہوم سیریز اپنی سرزمین پر کھیلنے کی پالیسی پر عمل پیرا رہیں گے۔

Readers Comments (0)




WordPress Themes

Free WordPress Theme