سنجے لیلا بھنسالی کی عائزہ خان کو فلم میں کاسٹ کرنے کی خواہش

Published on January 4, 2020 by    ·(TOTAL VIEWS 243)      No Comments

کراچی: (یواین پی)بالی ووڈ کے معروف ہدایتکار سنجے لیلا بھنسالی نے اداکارہ عائزہ خان کو اپنی فلم میں کاسٹ کرنے کی خواہش کا اظہار کیا ہے۔یواین پی کے مطابق اداکار و میزبان احسن خان نے شو کے دوران تصدیق کرتے ہوئے کہا کہ بالی ووڈ کے ہدایتکار سنجے لیلا بھنسالی کی جانب سے عائزہ خان کو فلم میں کاسٹ کرنے کی خواہش کا اظہار کیا گیا ہے اور اس حوالے سے انہوں نے مجھ سے عائزہ سے متعلق بات بھی کی۔احسن خان کا کہنا تھا کہ دوران گفتگو سنجے لیلا بھنسالی نے کہا کہ عائزہ خان پاکستان کی خوبرو اداکاراؤں میں سے ایک ہیں، ساتھ ہی انہوں نے کہا کہ عام طور سے پاکستانی اداکارائیں جلدی شادی کر لیتی ہیں اس لئے اداکاراؤں کو اُن کے ساتھ کام کرنے میں مشکلات کا سامنا کرنا پڑتا ہے۔واضح رہے کہ سنجے لیلا بھنسالی سے قبل عائزہ خان کو بالی ووڈ کے ہدایتکار امتیاز علی کی جانب سے بھی فلم میں کام کرنے کی آفر کی جا چکی ہے۔ لیکن فلموں کے حوالے سے عائزہ خان نے واضح موقف دیا تھا کہ وہ پہلے پاکستانی فلموں میں ڈیبیو کرنا چاہتی ہیں۔یہ بات بھی یاد رہے کہ ان دنوں مقبول ترین ڈرامہ ’میرے پاس تم ہو‘ میں عائزہ خان اور ہمایوں سعید کی اداکاری نے دیکھنے والوں پر سحرسا طاری کردیا ہے۔ اور ہر جانب بس اس ڈرامے کے چرچے ہیں۔

Readers Comments (0)




WordPress主题

Free WordPress Theme