پیٹرولیم مصنوعات کی قیمتوں میں اضافہ کردیا گیا

اسلام آباد (یواین پی) وفاقی حکومت کی جانب سے پیٹرولیم مصنوعات کی قیمتوں میں ایک بار پھر اضافے کی منظوری دے دی گئی ۔ تفصیلات کے مطابق حکومت نے اپنے فیصلے میں پیٹرول کی نئی قیمت میں 2 روپے 70 پیسے فی لیٹر اضافہ منظور کیا ہے ، جس کے ساتھ ہی پٹرول کی نئی قیمت 111 روپے 90 پیسے فی لیٹر ہوگئی ، اسی طرح ہائی سپیڈ ڈیزل کی قیمت میں 2 روپے 88 پیسے فی لیٹر اضافہ کیا جائے گا ، جس کی نئی قیمت 116 روپے 7 پیسے فی لٹر ہوگی۔بتایا گیا ہے کہ ملک میں مٹی کے تیل کی قیمت میں 3 روپے 54 پیسے فی لیٹر اضافہ کیا گیا ہے جس کی نئی قیمت 80 روپے 19 پیسے مقرر کی گئی ہے ، جب کہ لائیٹ ڈیزل کی قیمت 3.00 روپے فی لیٹر اضافے کے بعد 79 روپے 23 پیسے ہوگئی ہے