ملک بھر میں کورونا کی چوتھی لہر کے وار جاری، مزید 85 افراد جان کی بازی ہار گئے

Published on August 26, 2021 by    ·(TOTAL VIEWS 156)      No Comments

گذشتہ چوبیس گھنٹوں کے دوران ملک بھر میں کورونا وائرس کے مزید 4553 کیسز رپورٹ ہوئے
اسلام آباد(یواین پی) ملک بھر میں کورونا وائرس کی چوتھی لہر کے وار جاری ہیں۔ تفصیلات کے مطابق گذشتہ چوبیس گھنٹوں کے دوران ملک بھر میں کورونا وائرس سے 85 افراد جاں بحق ہوگئے، جس کے بعد اموات کی تعداد 25 ہزار 320 ہوگئی۔ پاکستان میں کورونا کے تصدیق شدہ کیسز کی تعداد 11 لاکھ 40 ہزار 411 ہوگئی۔ نیشنل کمانڈ اینڈ آپریشن سینٹر کے تازہ ترین اعدادوشمار کے مطابق گذشتہ 24 گھنٹوں کے دوران 4 ہزار 553 نئے کیسز رپورٹ ہوئے، پنجاب میں 3 لاکھ 85 ہزار 258، سندھ میں 4 لاکھ 25 ہزار 570، خیبر پختونخوا میں ایک لاکھ 58 ہزار 964، بلوچستان میں 32 ہزار 14، گلگت بلتستان میں 9 ہزار 769، اسلام آباد میں 97 ہزار 542 جبکہ آزاد کشمیر میں 31 ہزار 294 کیسز رپورٹ ہوئے۔این سی او سی کے مطابق گذشتہ 24 گھنٹوں کے دوران ملک بھر میں مثبت کیسز کی مجموعی شرح 7.4 فیصد رہی۔گذشتہ 24 گھنٹے میں 61 ہزار446 ٹیسٹ کیے گئے۔ سندھ میں کورونا کے کیسز کی تعداد 4 لاکھ 25 ہزار 570، خیبر پختونخوا میں ایک لاکھ 58 ہزار 964، پنجاب میں تین لاکھ 85 ہزار 258، اسلام آباد میں 97 ہزار 542، بلوچستان میں 32 ہزار 14، آزاد کشمیر میں 31 ہزار 294 اور گلگت بلتستان میں 9 ہزار 769 ہو گئی ہے۔واضح رہے کہ کورونا کے سبب سب سے زیادہ اموات پنجاب میں ہوئی ہیں جہاں 11 ہزار 666 افراد جان کی بازی ہار چکے ہیں جبکہ سندھ میں 6 ہزار 742، خیبرپختونخوا 4 ہزار 859، اسلام آباد 856، گلگت بلتستان 171، بلوچستان میں 338 اور آزاد کشمیر میں 688 افراد جان کی بازی ہار چکے ہیں۔ دوسری جانب ملک بھر میں ویکسی نیشن کا عمل بھی جاری ہے۔ واضح رہے کی سماجی فاصلے، ماسک کو نظر انداز کرنے اور ایس او پیز کی خلاف ورزیوں کے باعث پاکستان میں کورونا وائرس کی چوتھی لہر زور پکڑنے لگی، ملک کورونا مریضوں کے حوالے سے مرتب کی گئی فہرست میں پھر 30 ویں نمبر پر پہنچ گیا۔دوسری جانب ملک میں اب تک 3 کروڑ 70 لاکھ 43 ہزار 561 افراد کو ویکسین کی ایک ڈوز جبکہ 1 کروڑ 34 لاکھ 34 ہزار 605 افراد کو ویکسین کی دونوں ڈوزز لگائی جا چکی ہیں۔

Readers Comments (0)




WordPress主题

Premium WordPress Themes