اوکاڑہ موٹر وے پولیس،9سالہ بچے کواس کے والدین سے ملوادیا   


کو شائع کی گئی۔ September 14, 2021    ·(TOTAL VIEWS 121)      No Comments

اوکاڑہ ( یواین پی/ شیخ ندیم شیراز) موٹر وے پولیس نے گھروالوں سے ناراض ہوکر جانے والے 9سالہ بچے کواس کے والدین سے ملوادیا بچہ ایک مسافر بس میں بیٹھ کر لاہور کی طرف جارہاتھا موٹروے پولیس نے مووی کمیرے میں مشکوک نظر آنے والے بچے کواپنی تحویل میں لے لیا،موٹروے ترجمان کے مطابق موٹروے پولیس نے گھر والوں سے ناراض ہوکر جانے والے بچے کوان کے والدین سے ملوادیابچہ ایک مسافر بس میں سوار ہوکر جارہاتھا۔ نیشنل ہائی ویز اینڈ موٹروے پولیس کو اطلاع ملی کہ ایک بچہ جس کی عمر 8/9 سال ہے اپنے گھر والوں سے جھگڑ کر اور ناراض ہو کربس میں بیٹھ کر لاہور کی طرف جا رہاہے۔بیٹ 13 کے مووی پوائینٹ پر کیمرہ مین مسلم بخاری نے سواریوں کی مووی بناتے ہوئے ایک8/9 سال کے بچے کو بس میں گم سم، پریشان اور چپ چاپ اکیلے بیٹھے دیکھا تو کیمرہ مین نے متعلقہ پٹرولنگ آفیسر شفیق الرحمن کو اطلاع دی جو فوراً اپنے ساتھی آفیسر کے ہمراہ موقعہ پر پہنچے تو معلوم ہوا کہ یہ وہی بچہ جو گھر سے بھاگ کر لاہور جا رہا ہے۔بچے نے اپنا نام نواز ولد ظفر سکنہ چک نمبر21/11ایل تحصیل چیچہ وطنی ضلع ساہیوال بتلایا اس نے مزید بتایا کہ وہ اپنے گھر والوں کے ساتھ جھگڑ کر اور ناراض ہوکر گھر سے بھاگ آیا ہے نیشنل ہائی وے اینڈ موٹر وے پولیس نے بچے کے والدین سے رابطہ کر کے ان کو نیشنل ہائی وے اینڈ موٹروے پولیس بیٹ ،13 آفس بلوا کر ضروری کاروائی کے بعد بچے کو اس کے والدین کے حوالے کر دیا سیکٹر کمانڈر اکاڑہ عاطف شہزاد نے بیٹ کمانڈر 13 تنویر اصغر اور پٹرولنگ افسران کی اس کاوش کو سراہا۔

Readers Comments (0)




WordPress主题
WordPress Themes