آئندہ سندھ میں تحریک انصاف کی حکومت ہو گی، شاہ محمود قریشی

Published on November 5, 2021 by    ·(TOTAL VIEWS 79)      No Comments

تھرکی محرومی کو دور کرنے کا ارادہ ہے، عمران خان سندھ کے پسے ہوئے طبقے کیلیے ایک آواز ہے
مٹھی(یو این پی) وفاقی وزیر خارجہ و پی ٹی آئی کے رہنما مخدوم شاہ محمود قریشی نے سال 2023 کے عام انتخابات میں سندھ میں پی ٹی آئی کی حکومت کی پیش گوئی کردی ہے اور کہا ہے کہ دیوالی کے موقع پر وہ ہندر برادری کو مبارکباد دینے ان کے درمیان مٹھی میں موجود ہیں۔شاہ محمود قریشی نے کہا کہ آج مٹھی میں روشنیوں والے دن میں دیوالی کی مبارکباد دینے آیا ہوں اور ہندو کمیونٹی کے ساتھ تو اظہار یکجہتی کیلیے آیا ہوں کہ پاکستان اور سندھ میں جہاں جہاں ہندو رہائشی پذیر ہیں ہم آپ کے حقوق، تحفظ، آپ کی مذہبی آزادی، قائد اعظم محمد علی جناح کی سوچ اور فلسفے کے مطابق آپ کو پاکستان میں عدم تحفظ کا شکار نہیں ہونے دیں گے، ایک طرف آپ بھارت کو سب سے بڑی کو جمہوریت قرار دیتے ہیں لیکن وہاں خود اقلیت کو کچل رہے ہیں۔انھوں نے کہا کہ جلسے میں مقررین نے تھر کی پسماندگی، محرومی، ظلم و ستم اور اندھیرے کا ذکر کیا، روشنیوں کے دن نوید سنانے آیا ہونکہ عمران خان کی قیادت میں تحریک انصاف کا قافلہ روشنیوں کا دیا جلائے گا، تھر کی محرومی کو دور کرنے کا ارادہ ہے،عمران خان سندھ کے لوگوں، پسے ہوئے طبقے کیلیے ایک آواز ہے، مظلوم طبقے کیلئے انصاف دینے کیلیے جستجو کررہا ہے، آج میں کہتا ہوں ایک فقیر/ ایک درویش کا بیٹا کہہ کر جارہا ہے کہ میری نظر سندھ میں تبدیلی دیکھ رہی ہے، تھر کے لوگوں اپنی صفوں کو متحد کرلو۔شاہ محمود نے کہا کہ کل عمران خان نے بڑھتی ہوئی قیمتوں کو دیکھتے ہوئے شفاف طریقے سے پروگرام کا اعلان کیا، چھ ماہ میں 120 ارب کے پیکیج کا اعلان کیا جو ملک کے پسے ہوئے طبقے کو فائدہ ہوگا، امتحان جب آتے ہیں تو کچھ لوگ سمجھوتہ کرلیتے ہیں، غوثیہ جماعت کے کچھ لوگوں نے بھی سمجھوتہ کرلیا تھا، تاریخ گواہ ہے کربلا سے لیکر آج تک جس نے سمجھوتہ کیا وہ مٹ گیا جس نے سمجھوتہ نہیں کیا اس کا سر فخر سے بلند کیا۔اپوزیشن لیڈرحلیم عادل شیخ نے جلسے سے خطاب کرتے ہوئے کہا کہ شاہ محمودقریشی لوگوں کو بادشاہ بنادیتے ہیں، اسٹیج پر موجود اکثرلوگوں کو شاہ محمود قریشی نے آج لیڈربنایاہے،مٹھی سے سرحد کے اس پار مودی کوپیغام دے رہا ہوں کہ پاکستان کا وزیرخارجہ ہندوبرادری خوشیوں میں شریک ہیں اورمودی نے اقلیتوں کو جینا حرام کیاہواہے۔

Readers Comments (0)




Premium WordPress Themes

Free WordPress Themes