معروف شاعرہ پروین شاکرکی27ویں برسی ”آج“منائی جارہی ہے

لاہور(یواین پی) معروف شاعرہ پروین شاکرکی27ویں برسی آج 26دسمبرکو منائی جائے گی اس سلسلے میں ملک بھر کے ادبی حلقوں میں مختلف تقاریب کا اہتمام کیا جائے گاجس میں ادبی شخصیات اور مقررین پروین شاکر کی ادبی خدمات کو خراج عقیدت پیش کریں گے۔شاعرہ پروین شاکر 24نومبر 1952ء کوکراچی میں پیدا ہوئیں ا نہوں نے اپنی منفرد شاعری کی کتاب ” خوشبو “ سے اندرون و بیرون ملک بے پناہ مقبولیت حاصل کی انہیں شاعری کی پہلی کتاب خوشبو پر آدم جی ایوارڈ سے نوازا گیا، ان کے دیگر شعری مجموعے خود کلامی،صد برگ،انکار،ماہ تمام اور کف آئینہ کو بھی بے پناہ پزیرائی حاصل ہو ئی۔پروین شاکر نے اپنی خوبصورت اور منفرد شاعری میں محبت اور عورت کو موضوع بنایا۔پروین شاکر26دسمبر 1994ء کو اسلام آباد میں ایک ٹریفک حادثے کا شکار ہو گئیں اور42برس کی عمر میں خالق حقیقی سے جا ملیں تھیں۔