آئی سی سی تاحال ”بگ4“ سیریزکی تجویز سے لاعلم
Published on January 15, 2022 by admin ·(TOTAL VIEWS 66) No Comments
میزراجہ سے خط و کتابت نہیں ہوئی،ابھی تبصرہ کرنا مشکل ہے، ایلرڈائس لاہور(یواین پی)آئی سی سی تاحال رمیزراجہ کی ”بگ4“ سیریز کی تجویز سے لاعلم ہے، چیف ایگزیکٹیو جیف ایلر ڈائس نے کہا ہے کہ اس حوالے سے چیئرمین پی سی بی سے کوئی خط و کتابت نہیں ہوئی، جب تک یہ اندازہ نہ ہوکہ وہ کیا سوچ رہے ہیں اس پر تبصرہ کرنا مشکل ہوگا۔تفصیلات کے مطابق چیئرمین پی سی بی رمیز راجہ آئی سی سی کے آئندہ اجلاس میں پاکستان، بھارت آسٹریلیا اور انگلینڈ پر مشتمل4 ملکی ٹی ٹوئنٹی سیریز کروانے کی تجویز پیش کرنا چاہتے ہیں،ان کا خیال ہے کہ سالانہ ایونٹ سے ایشز کھیلنے والی دونوں ٹیموں کے ساتھ روایتی حریفوں پاکستان اور بھارت کے میچز بھی باقاعدگی سے کروانے کا موقع ملے گا، ذرائع آمدنی بھی بڑھیں گے جو کرکٹ برادری کے کام آسکتے ہیں۔ممکنہ پلان کیلیے سابق کپتان نے نیا فنانشل ماڈل بنانے کی بھی تجویز پیش کردی ہے۔ رمیزراجہ کا یہ بیان آسٹریلوی اور پھر پاکستانی میڈیا میں بھی توجہ کا مرکز بنا،اس کو سراہنے اور ناقابل عمل قرار دینے والے بھی میدان میں آگئے۔سوشل میڈیا پر کئی صارفین نے کہا کہ منصوبہ مکمل ہوجائے تو دولت کی ریل پیل ہوسکتی ہے، دیگر کا کہنا تھا کہ بھارتی حکومت کسی ایسی پلاننگ میں اپنے بورڈ کو شریک نہیں ہونے دے گی جس سے پاکستان کا فائدہ ہو، دوسری جانب آئی سی سی اس تجویز سے ابھی تک لاعلم ہے۔ چیف ایگزیکٹیو جیف ایلرڈائس نے کہا کہ اس آئیڈیے کے بارے میں ہماری چیئرمین پی سی بی سے کوئی خط و کتابت نہیں ہوئی،جب تک یہ اندازہ نہ ہوکہ وہ کیا سوچ رہے ہیں اس پر تبصرہ کرنا مشکل ہوگا، میڈیا رپورٹس سامنے آئی ہیں مگر فی الحال رمیز راجہ سے ہمارا اس معاملے میں کوئی تبادلہ خیال نہیں ہوا۔
:اسی سے منسلک خبریں جو آپ پڑھنا چاہیں گے
اطالوی مسلح افواج کے سربراہ کا جی ایچ کیو کا دورہ
لوڈ شیڈنگ اور گیس پریشر میں کمی سے شہریوں کو سحری اور افطاری کے اوقات میں سخت مشکلات کا سامنا
پی ایس ایل 8؛ 21 غیر ملکی اسٹارز پہلی بار جگمگانے کیلیے تیار
ڈٹے رہو
کشمیر جل رہا ہے ۔۔۔ یوم سیاہ
پاکستان پیپلز پارٹی کی سینیٹر رخسانہ زبیری کی جدہ میں میڈیا سے گفتگو
Readers Comments (0)