شیخ رشید کی زبان ان کا پیدائشی ورثہ ہے، فیصل کریم

ڈیرہ اسماعیل خان (یواین پی)ترجمان پیپلز پارٹی فیصل کریم کنڈی نے کہا ہے کہ شیخ رشید کرائے کے وزیر داخلہ ہیں،فیصل کریم کنڈی نے شیخ رشید کی پریس کانفرنس پر ردِ عمل دیتے ہوئے کہا کہ شیخ رشید کرائے کے وزیر داخلہ ہیں، شیخ رشید کی زبان ان کا پیدائشی ورثہ ہے، گٹر زبان ہی شیخ رشید کا ورثہ ہے، انہوں نے کہا کہ شیخ رشید کو علم ہے کہ ان کی سیاست غرق ہونے والی ہے، چیئرمین بلاول بھٹو زرداری کا عوامی مارچ شروع ہو چکا ہے،واضح رہے کہ اسلام آباد میں پریس کانفرنس کے دوران شیخ رشید نے کہا تھا کہ اپوزیشن کی تحریک عدم اعتماد میں ڈیڈ لاک ہو گیا ہے، اپوزیشن کیلئے فیصلہ کرنا مشکل ہو گیا ہے کہ بندر بانٹ کیسے ہونی ہے۔