سروس ڈیلیوری اور میرٹ کی پالیسی پر رہتے ہوئے ورکنگ کی جائے گی عمرسعید ملک

اوکاڑہ( یو این پی/ شیخ ندیم شیراز )ڈسٹرکٹ پولیس آفیسر عمر سعید ملک نے طیب شہید پولیس لائنز میں چاروں تحصیلوں کے پولیس افسران ایس ڈی پی اوز ۔ڈی ایس پی اور ایس ایچ اوز سے تعارفی میٹنگ کے دوران پالیسی گائیڈ لائن دی انہوں نے پولیس افسران سے خطاب کرتے ہوئے کہا کہ انسپکٹرجنرل آف پولیس پنجاب راؤ سردار علی خاں کے وژن کے مطابق سروس ڈیلیوری اور میرٹ کی پالیسی پر رہتے ہوئے ورکنگ کی جائے گی۔کرائم اور کرپشن کے خلاف زیر و ٹالرنس کی پالیسی کو اپنایا جائے گا، کرائم کنٹرو ل کرنے والے افسران ہی عہدہ پر رہیں گے۔جز اء او ر سزاء دونوں چیزیں ساتھ ساتھ چلیں گی۔