عمران خان کا 2 جولائی کو پریڈ گرانڈ میں جلسے کا اعلان

Published on June 26, 2022 by    ·(TOTAL VIEWS 49)      No Comments

اسلام آباد(یواین پی) پاکستان تحریک انصاف کے چیئرمین عمران خان نے 2 جولائی کو پریڈ گرانڈ میں حکومت مخالف احتجاجی جلسے کا اعلان کرتے ہوئے تمام بڑے شہروں کے کارکنوں کو ہدایت دی ہے کہ وہ اپنے اپنے شہروں میں ہفتے کی رات کو جلسوں کا اہتمام کریں۔ بنی گالہ میں نیوز کانفرنس کے دوران انہوں نے کہا کہ میں پریڈ گرانڈ میں منعقد ہونے والے جلسے سے خطاب کروں گا جہاں راولپنڈی اور اسلام آباد سے لوگ جمع ہوں گے جبکہ آپ اپنے اپنے شہروں میں ہونے والے جلسوں میں بھرپور شرکت کریں کیونکہ یہ ہمارے بچوں کے محفوظ مستقبل کے لیے بہت ضروری ہے۔سپرٹیکس سے متعدد انڈسٹریاں بند ہونا شروع ہوگئی ہیں علاوہ ازیں حکومت کی جانب سے سپر ٹیکس عائد کیے جانے کی مخالفت کرتے ہوئے کہا ہے اس ٹیکس سے مزید مہنگائی ہوگی اور متعدد انڈسٹریاں بند ہونا شروع ہوگئی ہیں اور کئی صنعتوں نے ملازمین کو فارغ کردیا ہے۔سپرٹیکس سے کارپوریٹ ٹیکس 40 فیصد ہوجائے گا جبکہ بھارت اور بنگلہ دیش میں یہ ٹیکس 25 فیصد ہے۔

Readers Comments (0)




WordPress Themes

WordPress主题