وزیراعظم کا کراچی میں طوفانی بارشوں کے باعث ہونے والے نقصانات پر انتہائی دکھ کا اظہار

اسلام آباد (یواین پی) وزیراعظم شہباز شریف نے وزیراعلی سندھ سید مراد علی شاہ سے ٹیلفونک رابطہ کیا ، وزیراعظم نے کراچی میں طوفانی بارشوں کے باعث ہونے والے نقصانات پر انتہائی دکھ کا اظہار کیا ۔ اپنے ٹویٹ میں وزیرعظم شہباز شریف نے کہا کہ میرا ابھی ٹیلفیون پر وزیراعلی سندھ سید مراد علی شاہ سے رابطہ ہوا ہے ، مجھے یقین ہے کہ وزیراعلی سندھ کی قیادت میں سندھ حکومت جلد کراچی میں معمولات زندگی کو معمول پر لے آئیں گے ، اس حوالے سے وفاق کی ہر ممکن معاونت دستیاب ہے ۔