سندھ میں طوفانی بارشیں، آج مزید 14 ٹرینیں معطل

کراچی(یواین پی)سندھ میں طوفانی بارشوں کی وجہ سے ریلوے تنصیبات زیرآب آنے سے آج مزید 14 ٹرینیں معطل رہیں گی۔ترجمان ریلوے کے مطابق قراقرم، کراچی، تیزگام، پاکستان، عوام اور سکھر ایکسپریس کو معطل کردیا گیا ہے۔ترجمان ریلوے کا کہنا ہے کہ ٹرینوں کے مسافروں کو دوسری گاڑیوں میں ایڈجسٹ کیا جائے گا۔واضح رہے کہ بارشوں اور خراب موسم کے سبب گزشتہ روز بھی متعدد ٹرینیں معطل کی گئی تھیں۔