پشاور میں بھی مسیحی برادری آج مذہبی جوش و خروش سے کرسمس منارہی ہے

پشاور(یواین پی) پشاور سمیت صوبے بھر میں مسیحی برادری آج مذہبی جوش و خروش سے کرسمس منائینگے۔ کرسمس کے باعث پشاور سمیت صوبے بھرمیں سیکورٹی ہائی الرٹ کردی گئی ہیں بارہ مبینہ دہشت گردوں کی گرفتاری کے بعد چرچز پر پولیس اور ایف سی کی بھاری نفری گزشتہ روز سے تعینات کردی گئی ہیں حساس ترین چرچز کے باہر بکتر بند گاڑیاں بھی کھڑی کردی گئی ہیں۔ مسیحی برادری نے کرسمس کے لئے خریداری مکمل کرلی ہیں صوبائی حکومت کی جانب سے مسیحی برادری کے ملازمین کوتین دن کی چھٹیاں دی گئی ہیں اور پیر کے روز سے دوبارہ ڈیوٹیوں پر حاضر ہو نگے۔ تاہم کرونا کے باعث کرسمس کی خوشیاں مانند پڑ گئی ہیں۔