معروف اداکار و فلمسازنعیم ہاشمی کی47ویں برسی کل27اپریل جمعرات کو منائی جائے گی

لاہور (یو این پی/ڈاکٹربی ا ے خرم) معروف اداکار و فلمسازنعیم ہاشمی پاکستانی فلم انڈسٹری کے باکمال فنکار گزرے ہیں انہوں نے اپنے فنی کیرئیر کا آغاز کلکتہ میں فلم چاندنی چوک سے کیا جبکہ تقسیم ہند کے بعد انہوں نے پاکستان میں بطور اداکار پہلی فلم انقلاب کشمیر تھی جو کہ1948ء میں ریلیز ہوئی بعد ازاں اس فلم پر پابندی لگا دی گئی تھی۔وہ نہ صرف ایک اچھے اداکار تھے بلکہ ایک کہنہ مشق شاعر،مصنف اور ہدایتکار بھی تھے انہیں ایک پاکستانی فلم میں مشہور زمانہ نعت ”شاہ مدینہ یثرب کے والی،سارے نبی تیرے در کے سوالی“ کی شاعری لکھنے پر بے پناہ شہرت حاصل ہوئی۔انہوں نی75سے زائد اردو اور پنجابی فلموں میں اداکاری کے جوہر دکھائے ان کی قابل ذکر فلموں میں بابل،نور اسلام،شمع،شیر جوان،شریف بدمعاش،سرفروش،خاتون،یار مستانے اور بنارسی ٹھگ شامل ہیں حشر نشر ان کی زندگی کی آخری فلم تھی جو کہ1976ء میں ریلیز ہوئی۔نعیم ہاشمی 27اپریل 1976ء کو ذیابیطس کے مرض کا شکار ہو کر چل بسے تھے۔ کی47ویں برسی کل 27اپریل جمعرات کو منائی جائے گی