خاتون جج کو دھمکی: عمران خان کے وکیل کی استدعا پر سماعت ملتوی

Published on April 27, 2023 by admin ·(TOTAL VIEWS 67) No Comments

اسلام آباد: (یو این پی )ڈسٹرکٹ اینڈ سیشن کورٹ اسلام آباد نے خاتون جج کو دھمکی کے کیس میں عدالتی نوٹس جاری ہونے پر نظرِ ثانی اپیل پر سماعت چیئرمین پی ٹی آئی عمران خان کے وکیل کی استدعا پر ملتوی کر دی۔ایڈیشنل سیشن جج طاہر عباس سِپرا کی عدالت نے سماعت کی جس کے دوران عمران خان کے وکیل گوہر علی خان پیش ہوئے۔اسلام آباد کے تھانہ مارگلہ کے تفتیشی افسر صغیر علی بھی ریکارڈ سمیت عدالت میں پیش ہوئے۔وکیل گوہر علی خان نے عدالت کو بتایا کہ عمران خان کی جانب سے وکیل نعیم پنجوتھہ کو پیش ہونا ہے جو لاہور ہیں۔انہوں نے استدعا کی کہ عمران خان کے وکیل آج دستیاب نہیں، اس لیے سماعت ملتوی کی جائے۔ڈسٹرکٹ اینڈ سیشن کورٹ اسلام آباد نے کیس کی سماعت 3 مئی تک ملتوی کر دی۔