بھارت: دو ٹرینوں میں ہولناک تصادم، ہلاکتوں کی تعداد 280 ہوگئی;900 سے زائد زخمی

ریاست اڑیسہ (یو این پی)بھارت کی ریاست اڑیسہ کے ضلع بالاسور میں 2 مسافر اور ایک مال بردار ٹرینوں کے درمیان ہونے والی ٹکر کے نتیجے میں ہلاکتوں کی تعداد بڑھ رہی ہے۔میڈیا کے مطابق گزشتہ روز پیش آئے حادثے میں مرنے والوں کی تعداد 280 ہوگئی ہے جس میں مزید اضافہ بھی ہوسکتا ہے۔ہولناک حادثے میں 900 سے زائد افراد زخمی ہوئے جن کا مختلف اسپتالوں میں علاج جاری ہے جبکہ حادثے کے مقام پر ریسکیو آپریشن اب بھی جاری ہے۔رپورٹس کے مطابق کولکتا سے چنائی جانے والی مسافر ٹرین کی 12 سے 15 بوگیاں اتر کر دوسرے ٹریک پر گریں جبکہ دوسرے ٹریک پر یسونت پور سے ہاوڑہ جانے والی مسافر ٹرین متاثرہ بوگیوں سے ٹکرائی۔ میڈیا کے مطابق وزیر ریلوے نے ٹرین حادثے کی تحقیقات کے لیے کمیٹی بنا دی ہے۔