فیصل آباد کے تمام پولیس تھانوں کے ایس ایچ او زکو کرایہ داروں کا ریکارڈ مکمل رکھنے کی ہدایت

Published on January 22, 2025 by    ·(TOTAL VIEWS 37)      No Comments

فیصل آباد (یو این پی)فیصل آباد کے تمام پولیس تھانوں کے ایس ایچ او زکو کرایہ داروں کا ریکارڈ مکمل رکھنے کی ہدایت کی گئی ہے اور سٹی پولیس آفیسر فیصل آبادکامران عادل کی جانب سے حکم دیاگیا ہے کہ تمام ایس ایچ اوز اپنے اپنے علاقوں کے تمام پراپرٹی ڈیلرز اور مکان مالکان سے رابطہ کر کے کرایہ داروں کے ریکارڈ کے بارے میں مکمل تفصیلات حاصل کریں نیزپراپرٹی ڈیلروں اور مکان مالکان کو پابند کیاجائے کہ وہ بغیر شناخت کے کسی کو مکان کرایہ پر نہ دیں۔انہوں نے کہاکہ مکان کرایہ پر دینے سے قبل کرایہ دارکے بارے میں مکمل معلومات حاصل کی جائیں اور مکمل جانچ پڑتال کے بعد متعلقہ پولیس اسٹیشن کو کرایہ دار کے بارے میں معلومات کی فراہمی بھی یقینی بنائی جائے۔سٹی پولیس فیصل آباد کے ترجما ن کے مطابق پولیس اس ریکارڈ کو اپنے پاس محفوظ رکھے گی۔انہوں نے بتایاکہ سی پی او فیصل آبادکی جانب سے واضح کیاگیاہے کہ ریکارڈ مکمل نہ رکھنے کی صورت میں متعلقہ تھانوں کے ایس ایچ اوز کے خلاف سخت محکمانہ کاروائی عمل میں لائی جائیگی اور بعدازاں کوئی عذر قابل قبول نہ ہوگا۔

Readers Comments (0)




Free WordPress Themes

Weboy