پاکستانی خلاباز چینی خلائی مشن کا حصہ بنے گا، انتخاب کا عمل جاری

Published on October 31, 2025 by admin ·(TOTAL VIEWS 45) No Comments

خلا باز پاکستان کے لئے خلائی سائنس پر مبنی تجربات بھی انجام دےگا
اسلام آ باد ( یواین پی)شینزو -21 انسان بردار خلائی مشن کے حوالے سے پریس کانفرنس جیو چھوان سیٹلائٹ لانچ سینٹر میں منعقد ہوئی۔جمعرات کے روز چینی میڈ یا کے مطا بق ترجمان کے مطابق رواں سال فروری میں چین اور پاکستان کے درمیان خلائی تعاون کے معاہدے پر دستخط کے بعد ، چینی خلائی پروگرام میں شامل ہونے والے پاکستانی خلابازوں کے انتخاب کا عمل جاری ہے۔ پرائمری سلیکشن پاکستان میں کی جارہی ہے جبکہ سیکنڈری اور حتمی سلیکشن چین میں ہو گی۔ دو پاکستانی خلابازوں کو چین میں ٹریننگ میں حصہ لینے کے لیے منتخب کیا جائے گا۔ چین کے خلائی مشن کی پلاننگ اور تعاون کی پیش رفت کے مطابق، ایک پاکستانی خلاباز پے لوڈ ایکسپرٹ کے طور پر مختصردورانیے کے لئے خلائی مشن کا حصہ بنے گا اور مشن کے دوران نہ صرف عملے کے ساتھ روزمرہ کے امور کی انجام دہی کرے گا ، بلکہ پاکستان کے لئے خلائی سائنس پر مبنی تجربات بھی انجام دےگا۔