انجرڈ احمد شہزاد نیوزی لینڈ کے خلاف سیریز سے آؤٹ

ابوظہبی ۔۔۔ بیٹنگ کے دوران سر پر گیند لگنے سے زخمی ہونے والے پاکستانی اوپنر احمد شہزاد نیوزی لینڈ کے خلاف سیریز سے باہر ہوگئے۔ 22 سالہ احمد شہزاد ٹیسٹ کی پہلی اننگز میں کورے اینڈرسن کی بال سر پر لگنے سے زخمی ہوگئے تھے۔ طبی معائنہ کے بعد ان کے سر میں ہیئر لائن فریکچر کی تشخیص ہوئی۔ ڈاکٹرز نے انہیں 6 سے 8 ہفتے مکمل آرام کا مشورہ دیا ہے جس کے بعد وہ نیوزی لینڈ کے خلاف جاری ٹیسٹ اور ون ڈے سیریز سے باہر ہوگئے ہیں۔ ڈاکٹرز کی جانب سے آرام کے مشورے کے بعد ٹیم مینجمنٹ نے احمد شہزاد کو وطن واپس بھیجنے کا فیصلہ کیا۔