این اے 122 اور 154 میں ضمنی الیکشن گیارہ اکتوبر کو کرانے کا فیصلہ

Published on August 29, 2015 by admin ·(TOTAL VIEWS 301) No Comments

اسلام آباد (یو این پی)الیکشن کمیشن آف پاکستان نے لاہور کے حلقہ این اے ایک سو بائیس اور لودھراں کے حلقہ این اے ایک سو چون میں ضمنی الیکشن گیارہ اکتوبر کو کرانے کا فیصلہ کر لیا۔ ذرائع کے مطابق این اے ایک سو بائیس لاہور اور این اے ایک سو چون لودھراں میں ضمنی انتخاب ایک ہی روز 11 اکتوبر کو ہو گا۔ دونوں حلقوں میں ریٹرننگ افسران کا تقرر بھی کر دیا گیا ہے۔ کمیشن حکام کا کہنا ہے ٹربیونل کے فیصلوں کے بعد ساٹھ روز کے اندر ضمنی انتخابی کرانا آئینی تقاضا ہے۔ گیارہ اکتوبر کو ضمنی انتخاب کی پولنگ کی سمری حتمی منظوری کیلئے چیف الیکشن کمشنر کو بھجوا دی گئی ہے۔ حتمی شیڈول ایک سے دو روز میں جاری کر دیا جائے گا۔