لاہور (یوا ین پی) ایشیا کبڈی کپ کی میزبانی پاکستان کو مل گئی ہے۔ پاکستان کبڈی فیڈریشن کے ذرائع کے مطابق 2 سے 6 مئی تک واہ کینٹ میں ایشیا کبڈی کپ کھیلا جائے گا۔ تفصیلات کے مطابق ایشیا کبڈی کپ میں بھارت سمیت سات ٹیمیں شریک ہوں گی۔اس سلسلے میں بھارت نے بھی کبڈی کپ کھیلنے کی تصدیق کر دی ہے۔ ٹیموں میں ایران‘ ترکمانستان، افغانستان، نیپال، سری لنکا، پاکستان سمیت بھارت کی کبڈی ٹیم شامل ہے۔ پاکستانی ٹیم اپنے ٹائٹل کا دفاع کرے گی۔