بھارتی فلموں کے مزاحیہ اداکار رزاق خان انتقال کر گئے

ممبئی (یو این پی) بھارتی فلموں کے مزاحیہ اداکار رزاق خان انتقال کر گئے ، انہوں نے اپنی کامیڈی سے شائقین کو خوب ہنسایا۔بھارتی میڈیا کے مطابق رزاق خان کا انتقال دل کا دورہ پڑنے کی وجہ سے ہوا ۔ ان کی نماز جنازہ ممبئی میں آج شام چار بجے ہو گی ۔ مشہور کامیڈین رزاق خان نے بالی وڈ میں دو دہائیوں تک شائقین کو خوب محظوظ کیا ۔ ہیلو برادر ، ہیرا پھیری ، بادشاہ ، چوروں کا راجہ رزاق خان کی مشہور فلمیں ہیں ۔ انہوں نے تقریباً نوے فلموں میں اداکاری کےجوہر دکھائے۔