وہاڑی(یو این پی) ملتان روڈ بستی کنڈور اڈا چکڑالہ کے قریب بس اور ٹرک میں تصادم ایک بچی اور ایک عورت سمیت 3 افراد جاں بحق 16 افراد زخمی ہوگئے ہیں ۔ زخمیوں کو ریسکیو1122 کی ٹیم نے فرسٹ ایڈ دی اور ڈی ایچ کیو اسپتال منتقل کر دی۔تفصیلات کےمطابق ملتان روڈ پر 2 تیز رفتار بسیں مقابلہ میں ملتان جا رہی تھیں جبکہ ٹرک ملتان سے بوریوالہ آ رہاتھا اڈا چکڑالہ کے قریب بستی کنڈور پر بس دوسری بس کو اور ٹیک کرتے ہوئے سامنے سے آنے والے ٹرک سے ٹکرا گئی جس کے باعث ایک 3 سالہ بچی اور ایک عورت سمیت 3 افراد جاں بحق جبکہ 16 افراد زخمی ہو گئے ۔ حادثہ کی اطلاع ملتے ہی پولیس اور ریسکیو ٹیمیں موقع پر پہنچ گئیں جنہوں نے زخمیوں کو فرسٹ ایڈ دے کر اسپتال منتقل کردیا ہے۔