آرمی چیف سے امریکی کمانڈر جنرل نکلسن کی ملاقات

 راولپنڈی:(یو این پی) آرمی چیف جنرل قمرجاوید باجوہ سے افغانستان میں تعینات امریکی کمانڈر جنرل جان نکلسن نے ملاقات کی ہے، ملاقات کے دوران باہمی دلچسپی کے امور اور خطے کی سیکیورٹی صورتحال پر تبادلہ خیال کیا گیا۔ آئی ایس پی آر کے مطابق آرمی چیف جنرل قمر جاوید باجوہ سے افغانستان میں تعینات امریکی کمانڈر جنرل جان نکلسن نے ملاقات کی ہے، ملاقات کے دوران باہمی دلچسپی کے امور اور خطے کی سیکیورٹی صورتحال پر بات چیت کی گئی ہے۔ آرمی چیف جنرل قمر جاوید باجوہ اور جنرل جان نکولسن کی ملاقات جی ایچ کیو میں ہوئی، جنرل جان نکولسن کا کہنا تھا کہ خطے میں قیام امن اور خطرات سے نمٹنے میں پاک فوج کا اہم کردار ہے، جنرل جان نکولسن نے دہشتگردی کےخلاف پاک فوج کے کردار کو بھی سراہا ہے۔