کراچی (یواین پی) قائد حزب اختلاف سید خورشید شاہ گھوڑے سے گر کر زخمی ہو گئے جس کے بعد کل پیر کو قومی اسمبلی اجلاس میں ان کی شرکت مشکوک ہو گئی ہے۔ تفصیلات کے مطابق ہفتے کے روز قائد حزب اختلاف سید خورشید شاہ گھوڑے سے گر کر زخمی ہو گئے ہیں، قائد حزب اختلاف اپنی زمینوں کامعائنہ کر رہے تھے، اس دوران گھوڑا بدق کیا اور وہ گر کر زخمی ہو گئے۔ گھوڑے سے گرنے کے باعث خورشید شاہ کی ٹانگ میں چوٹ آئی ہے، اس سے قبل اسپیکر قومی اسمبلی ایاز صادق سے ٹیلی فون پر گفتگو میں بھی خورشید شاہ نے کہا تھا کہ میری ٹانگ میں فریکچر ہے، پیر کے روز اسمبلی اجلاس میں میری شرکت مشکل ہے۔