اسلام آباد(یوا ین پی)وزیراعظم نواز شریف نے سندھ پر خاص نظریں لگا لی ہیں،ایک ماہ کے دوران صوبے کا یہ تیسرا دورہ کیا،ٹھٹھہ اور کراچی کے بعد پیر کو حیدرآباد میں کنونشن سے خطاب کے موقع پر سکیورٹی کے سخت انتظامات کئے گئے تھے۔ایس ایس پی حیدر آباد کے مطابق وزیراعظم کی سیکورٹی کے لئے سخت انتظامات کئے گئے ،یوا ین پی کے مطابق شہر کے مختلف مقامات پر 1ہزار پولیس اہلکاراور 250 کمانڈوز کو تعینات کیا گیا تھا ۔