تصویر میں ایسا کیا ہے جس کا شور مچا ہوا ہے،بلاول بھٹو

کراچی(یو این پی) وزیراعظم کے صاحبزادے حسین نواز کی تصویر کے معاملے پر بلاول بھٹو بھی بول پڑے ۔ ان کا کہنا تھا کہ تصویر میں ایسا کیا ہے جس کا شور مچایا جا رہا ہے ۔ بلاول بھٹو نے حسین نواز کی تصویر کے ردعمل میں کہا کہ تصویر میں حسین نواز کرسی پر باعزت تو بیٹھے ہیں ۔ حسین نواز کو کرسی ، سائیڈ ٹیبل ، پنسل ،کاغذ ، فائل سب سہولتیں تو حاصل ہیں ۔ بلاول بھٹو نے یوا ین پی سے کہا کہ قانون کی بالادستی کے دعویدار اپنی باری پر تصویر سے مظلوم بننے کی کوشش کر رہے ہیں ۔ مسلم لیگ ن کی قیادت نے گزشتہ پانچ سال قانون کی بالادستی کی بہت باتیں کیں اب خود قانون کی بالادستی کو ماننے کو تیار نہیں ۔