پی ایس ایل کی کامیابی پوری قوم کی کامیابی ہے، صدر ممنون حسین

اسلام آباد(یوا ین پی) صدر مملکت ممنون حسین نے پی ایس ایل سیزن تھری کی کامیابی پر نجم سیٹھی، تمام کھلاڑیوں اور پاکستانی قوم کو مبارکباد پیش کی ہے۔پی ایس ایل کے کامیاب انعقاد پر اپنے پیغام میں صدر مملکت ممنون حسین کا کہنا ہے کہ ثابت ہو گیا کہ پاکستان ایک پرامن جمہوری ملک ہے ۔ اب پاکستان کے کھیلوں کے میدان آباد ہو چکے ہیں۔ صدر مملکت ممنون حسین نے پی ایس ایل فائنل جیتنے پر اسلام آباد یونائیٹڈ کو مبارکباد پیش کی ان کاکہنا ہے کہ دونوں ٹیموں نے اچھا کھیل پیش کیا، پی ایس ایل کی کامیابی پوری قوم کی کامیابی ہے۔