عمران خان آج اپنی 65 ویں سالگرہ منا رہے ہیں

اسلام آباد(یواین پی ) وزیراعظم اسلامی جمہوریہ پاکستان اور پاکستان تحریک انصاف کے سربراہ عمران خان آج اپنی 65 ویں سالگرہ منا رہے ہیں۔ وزیراعظم عمران خان کی سالگرہ پر پارٹی رہنماؤں اور کارکنوں نے کیک کاٹے اور وزیراعظم عمران خان کو سالگرہ پر مبارکباد پیش کی۔ عمران خان کی بحیثیت وزیراعظم یہ پہلی سالگرہ ہے۔عمران خان کو جہاں سالگرہ کی مبارکبادیں موصول ہورہی ہیں وہیں ان کی عمر کو لے کر بھی دلچسپ تبصرے ہو رہے ہیں۔ عمران خان آج 65 برس کے ہوگئے ، ان کی عمر کے بارے میں جان کر کئی لوگوں نے حیرت کا اظہار کیا اور کہ عمران خان جسمانی طور پر اتنے فٹ ہے کہ وہ کسی طور پر 65 سال کے نہیں لگتے۔ وزیراعظم عمران خان کی صبح کی سیر اور جم میں کیے جانے والے ورک آؤٹ کی کافی تصاویر سوشل میڈیا پر گردش کرتی رہتی ہیں۔عمران خان کے پرستاروں اور ان کے حمایتیوں کا کہنا ہے کہ اس عمر میں بھی عمران خان جسمانی طور پر فٹ ہیں ، ان کی غذا اور ورزش ہی ان کی فٹنس کا راز ہے۔ وزیراعظم عمران خان کی سالگرہ کے موقع پر ٹویٹر صارفین نے بھی انہیں مبارکباد پیش کی اور ان کی لمبی عمر کے لیے دعا کی۔