پاکستان اور نیوزی لینڈ کے مابین 3ون ڈے میچوں پر مشتمل سیریز کا آغاز’’آج‘‘سے ہوگا

Published on November 7, 2018 by    ·(TOTAL VIEWS 572)      No Comments

ابوظہبی (یواین پی)پاکستان اور نیوزی لینڈ کے مابین ٹی ٹوئنٹی سیریز کے بعد 3ون ڈے میچوں پر مشتمل سیریز (آج)بدھ سے شروع ہو گی اور پہلا ڈے اینڈ نائٹ میچ شیخ زید سٹیڈیم ابو ظہبی میں کھیلا جائے گا۔میچ پاکستانی وقت کے مطابق سہ پہر3بجے شروع ہو گا۔پاکستانی ٹیم ون ڈے سیریز جیتنے کیلئے پرعزم ہے،دونوں ٹیمیں ابوظہبی پہنچ چکی ہیں۔دونوں ٹیموں کے مابین ابتک کھیلے گئے ای روزہ میچوں میں گرین شرٹس کو برتری حاصل ہے ،مجموعی طور پر کھیلے گئے103میچوں میں سے 53پاکستان اور 47نیوزی لینڈ نے جیتے ،2میچز بغیر کسی نتیجے جبکہ ایک میچ ٹائی ہوا۔تفصیلات کے مطابق پاکستان اور نیوزی لینڈ کے مابین3ایک روزہ میچوں کی سیریز کا پہلا میچ (کل) شیخ زید سٹیڈیم ابو ظہبی میں کھیلا جائے گا۔ ڈے اینڈ نائٹ میچ پاکستانی وقت کے مطابق سہ پہر3بجے شروع ہو گا۔پاکستان نے ٹی ٹوئنٹی سیریز میں کیویز کو آؤٹ کلاس کیا اور تین میچوں کی سیریز میں نیوزی لینڈ کو کلین سوئپ شکست دی۔ نیوزی لینڈ کیخلاف ون ڈے سیریز کیلئے15رکنی پاکستانی سکواڈ میں فخر زمان، محمد حفیظ ، امام الحق، بابر اعظم، شعیب ملک، آصف علی ، حارث سہیل، شاداب خان، عماد وسیم، فہیم اشرف، حسن علی، جنید خان ، شاہین شاہ آفریدی اور عثمان خان شنواری شامل ہیں۔پاکستانی ٹیم ون ڈے سیریز جیتنے کیلئے پرعزم ہے،دونوں ٹیمیں ابوظہبی پہنچ چکی ہیں۔دونوں ٹیموں کے مابین ابتک کھیلے گئے ای روزہ میچوں میں گرین شرٹس کو برتری حاصل ہے ،مجموعی طور پر کھیلے گئے103میچوں میں سے 53پاکستان اور 47نیوزی لینڈ نے جیتے ،2میچز بغیر کسی نتیجے جبکہ ایک میچ ٹائی ہوا۔دونوں ٹیموں کے مابین دوسرا ون ڈے9نومبر کو ابوظہبی میں ہی کھیلا جائے گا جبکہ تیسرا اور آخری ون ڈے11نومبر کو دبئی میں کھیلا جائیگا۔دونوں ٹیموں کے مابین ٹیسٹ سیریز16نومبر سے ابوظہبی میں شروع ہو گی،دوسرا ٹیسٹ24نومبر کو دبئی ،تیسرا اور آخری ٹیسٹ3دسمبر سے دبئی میں کھیلا جائیگا۔

Readers Comments (0)




WordPress主题

WordPress Themes