کرسمس پر کسی بھی قسم کی ایمرجنسی سے نبرد آزما ہونے کیلئے ریسکیورز ہمہ وقت تیار ہیں ظفر ظفر اقبال

اوکاڑہ(یو این پی /شیخ ندیم شیراز)ڈسٹرکٹ ایمرجنسی آفیسر ظفر اقبال نے بتایا ہے کہ ریسکیو 1122 اوکاڑہ کرسمس کے سلسلے میں ضلع بھر میں ہونے والے اجتماعات اور بازاروں میں احسن طریقے ایمرجنسی پروٹوکول کوریج فراہم کر رہی ہے۔ ضلع بھر میں کرسمس کے تہوار کے موقع پر چرچوں کو ایمبولینسز اور فائر وہیکلز کی مدد سے ایمرجنسی کوریج فراہم کر رہی ہے۔ ضلع بھر میں ایمرجنسی کوریج فراہم کرنے میں ریسکیو کی 18 سے زائد گاڑیوں اور 100 سے زائد ریسکیورز فرائض سر انجام دے رہے ہیں۔ سیفٹی آفیسرز اپنی اپنی تحصیلوں میں ایمرجنسی کوریج کی یقینی بنا رہے ہیں۔