موسم سرما کی سوغات مچھلی بھی عوام کی پہنچ سے دور، قیمتوں میں ہوشربا اضافہ

فیصل آباد (یو این پی)موسم سرما کی سوغات مچھلی بھی عوام کی پہنچ سے دور ہوگئی، قیمتوں میں ہوشربا اضافے نے عوام کی قوت خرید انتہائی محدود کر دی ہے۔مچھلی کی قیمتوں میں گزشہ سال کی نسبت اضافہ دیکھنے میں آیا ہے، مارکیٹ میں کالا رہو مچھلی 400 سے 600 روپے فی کلو فروخت ہو رہی ہے، ملہی مچھلی 500 سے 650 روپے فی کلو دستیاب ہیمارکیٹ میں بام مچھلی 400 سے 700 روپے فی کلو جبکہ سوہل مچھلی 1700 روپے فی کلو تک بیچی جا رہی ہیشہریوں کا کہنا ہے کہ مچھلی بھی قوت خرید سے باہر ہوگئی، مہنگائی کی وجہ سے روز مرہ استعمال کی اشیاء کے ساتھ ساتھ اب تو موسمی اشیاء بھی پہنچ سے دور ہو چکی ہیں۔ادھر سنگھ پورہ فش مارکیٹ کے دکانداروں کا کہنا ہے کہ مہنگائی سے کاروبار متاثر ہو رہا ہے، گزشتہ برس کی نسبت اس سال خریداروں کا رش نہ ہونے کے برابر ہے۔