پولیس نے گدھے کا گوشت فروخت کرنے والے تین قصابوں کو گرفتار کر لیا

سیالکوٹ۔۔۔پولیس نے گدھے کا گوشت فروخت کے لئے زبح کرنے والے تین قصابوں کو گرفتار کر لیا ۔ تفصیلات کے مطابق تھانہ صدر پسرورپولیس نے موضع کھیرے میں عوامی شکایات پر چھاپہ مارا جہاں تین قصاب گدھوں کا گوشت فروخت کرنے کے لئے ان کو زبح کر رہے تھے کہ پولیس نے موقعہ پر پہنچ کر تینوں قصابوں امانت ، خالد وغیرہ کو گرفتار کر کے ان کے قبضہ سے تین گدھے برآمد کر لئے ہیں ۔ پولیس تھانہ صدر پسرور نے گرفتار ہونے والے ملزمان کے خلاف مقدمہ درج کر کے تحقیقات شروع کر دی ہیں ۔