ملکی معیشت کی ترقی اور دہشت گردی کے خاتمے کے لئے مل کر چلنا ہے،حاجی غلام احمد بلور

پشاور (یوا ین پی) عوامی نیشنل پارٹی کے رہنما حاجی غلام احمد بلور نے کہا ہے کہ پی ٹی آئی ارکان کے ایوان میں واپس آنے کا مطلب یہ ہے کہ انہوں نے استعفیٰ واپس لے لیا ۔ حاجی غلام احمد بلور نے کہا کہ خواہش ہمیشہ آئین اور قانون کے مطابق ہونی چاہیے، یہ سیاسی فیصلہ ہے، بہتر ہے دو تین دن مزید دیدیئے جائیں، تقسیم ایک منٹ ہو جائے گی مگر بہتر ہے کہ افہام و تفہیم سے فیصلہ کیا جائے، پی ٹی آئی ایوان میں آ گئی ہے تو اس کا مطلب ہے کہ انہوں نے استعفیٰ واپس لے لیا ہے، ہم نے مل کر اسمبلی کو چلانا ہے، ملکی معیشت و ترقی اور دہشت گردی کے خاتمے کے لئے ہم سب کو مل کر چلنا ہے، عمران خان کہنا ہے کہ اسمبلی میں انہوں نے واپس نہیں جانا بری بات ہے۔