اسلام آباد (یو این پی) دفترِ خارجہ کے ترجمان قاضی خلیل اللہ نے ہفتہ وار بریفنگ کے دوران بتایا کہ پاکستان اقوام متحدہ کے 20سے زائد اداروں کا سرگرم کارکن ہے جسے اقوام متحدہ کی انسانی حقوق کونسل کے انتخابات میں 105 ووٹ ملے۔ انہوں نے کہا کہ عالمی برادری بھارت میں شیوسینا کی دہشت گرد کارروائیوں کا نوٹس لے جنہوں نے پاکستانیوں کو بھی نشانہ بنایا۔
قاضی خلیل اللہ کا کہنا تھا کہ پاکستان حریت رہنماﺅں کی گرفتاری کی مذمت کرتا ہے۔ ان رہنماﺅں کی گرفتاری کشمیریوں کے کی صدائے حق کو دبانے کی کوشش ہے۔ ایک سوال کے جواب میں دفتر خارجہ کے ترجمان کا کہنا تھا کہ گیتا کی بھارتی شہریت ثابت ہونے کے بعد اسے بھارت بھیجا گیا ہے۔ پاکستان کے جوہری پروگرام سے متعلق گفتگو کرتے ہوئے ان کا کہنا تھا کہ پاکستان کا جوہری پروگرام انتہائی محفوظ ہاتھوں میں ہے۔