نیویارک(یو این پی) اقوام متحدہ کے سیکرٹری جنرل بان کی مون نے پاکستان اور بھارت کے درمیان مذاکرات کی بحالی کے لیے دونوں ملکوں کے درمیان ثالثی کی پیشکش کی ہے۔ بان کی مون کے ترجمان نے نیویارک میں صحافیوں سے گفتگو کرتے ہوئے کہا کہ جب دو ممالک کے درمیان کوئی تنازعہ یا مسئلہ پایا جاتا ہے تو سیکرٹری جنرل کی طرف سے اپنی خدمات پیش کرنا ایک اصولی معاملہ ہے لیکن اس کے لیے دونوں فریقین کا متفق ہونا اور دونوں کی طرف سے ثالثی کی درخواست کرنا لازمی ہے۔