اسلام آباد(یو این پی) امریکی ماہرین نے نیند کی کمی کو آشنا چہروں کی شناخت میں مشکل کا اہم سبب قرار دیدیا۔امریکی ہاورڈ یونیورسٹی کے ماہرین کی تحقیق کے مطابق نیند کی کمی کا شکار لوگوں کو آشنا چہروں کو پہچاننے میں دقت درپیش ہو سکتی ہے،اس سے ان کی ادراک کی صلاحیت بھی متاثر ہوتی ہے اور ذیادہ تر نیند کی کمی سے ہونیوالے مسائل کا سامنا ان لوگوں کو ہوتا ہے جو رات کی شفٹ میں ملازمت کر تے ہیں اور رات دیر تک جاگنے کی عادت ڈال لیتے ہیں اس سے نہ صرف ان کی ذہنی صحت متاثر ہوتی ہے بلکہ جسمانی صحت پر بھی منفی اثرات مرتب ہوتے ہیں تاہم 8 گھنٹے کی پرسکون نیند بے حد ضروری ہے۔