لیگی رہنماؤں کی زیر قیادت کھنہ پل سے کنونشن سنٹر تک بڑی ریلی کا انعقاد
اسلام آباد(یواین پی) مسلم لیگ ن کے انٹرا پارٹی انتخابات کے موقع پر یو سی 18 کھنہ ڈاک سے لائرز اینڈ جرنلسٹ ڈیفنس موومنٹ کے صدر ملک عتیق، سینیئر نائب صدر راجہ رب نواز، چیئرمین یونین کونسل یو سی 18 کھنہ ڈاک ملک وسیم ثناء کی قیادت میں کھنہ پل سے کنونش سنٹر تک بڑی ریلی نکالی گئی ریلی میں سینکڑوں افراد بڑی تعداد میں گاڑیوں اور موٹر سائیکل سواروں نے شرکت کی۔ ریلی کے کنونشن سنٹر پہنچنے پر مسلم لیگ ن کی اعلیٰ قیادت نے شاندار استقبال کیا۔ کنونشن سنٹر کے باہر میڈیا سے گفتگو کرتے ہوئے ملک عتیق نے کہا کہ وزیر اعظم میاں نواز شریف کی قیادت پر مکمل اعتماد ہے۔ حکومت جلد تمام بحرانوں پر قابو پا لے گی۔ حکومت کیخلاف سازشیں کرنے والے ناکام ہونگے۔