زیارت ،پی پی پی کے زیر اہتمام ذوالفقار علی بھٹو کی سالگرہ کے موقع پر تقریب کااہتمام

زیارت(یواین پی)پاکستان پیپلز پارٹی کے سابق ضلعی صدر محراب خان کاکڑ کی رہائش گاہ پر شہید قائد عوام ذوالفقار علی بھٹو کی سالگرہ کے موقع پر تقریب کا اہتمام کیا گیا ۔اس موقع پر شہید ذوالفقار علی بھٹو کی سالگرہ کا کیک بھی کاٹا گیا ۔تقریب میں سابق ضلعی صدر محراب خان کاکڑ ، ،امیر محمد ، محمد قاسم سارنگزئی ، سید صابر شاہ، ماسٹر عبدالحمید، عبداللہ جان، عبدالعلی ، سرفراز خان ، عامر منیر، محمدعلی ترین، زین اللہ و دیگر نے شرکت کی ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
جسٹس مظہر عالم میاخیل کو سپریم کورٹ کا جج بننے پر مبارکباد
زیارت(یواین پی)پروفیسر سیف اللہ میاخیل اور میاخیل قبائل نے جسٹس مظہر عالم میاخیل کو سپریم کورٹ کا جج بننے پر مبارکباد پیش کی ہے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
زیارت ،قتل کاملزم دکی سے گرفتار
گزشتہ دو ماہ کے دوران گرفتار کئے گئے اشتہاریوں کی تعداد 22ہو گئی ہے ۔تحصیلدار زیارت
زیارت(یواین پی) تحصیلدار زیارت حاجی نوراحمد کاکڑ کے مطابق ڈپٹی کمشنر زیارت عبدالخالق مندوخیل کی خصوصی ہدایت پر دکی پولیس کی تعاون سے غلام محمد ترین کے قتل میں ملوث اشتہاری ملزم نصیب اللہ ولد شیر محمد سکنہ سنجاوی کو دکی سے گرفتار کر کے زیارت منتقل کردیا ہے ۔تحصیلدار زیارت نے مزید کہا کہ گزشتہ دو مہینوں کے دوران گرفتار کئے گئے اشتہاریوں کی تعدادبائیس ہو گئی ہے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
پریس کلب زیارت کااظہار تعزیت
زیارت (یواین پی) پریس کلب زیارت کے صدر محمد یعقوب کاکڑایڈوکیٹ ،عبدالمنان کاکڑ ، عبدالمنان سارنگزئی ، ہدایت اللہ باور اور مدثر احمد کاکڑ نے ڈگری کالج زیار ت کے پروفیسر نقیب اللہ کاکڑ سے ان کے والد کی وفات پر اظہار تعزیت کرتے ہوئے کہا ہے کہ اللہ تعالیٰ سے دعا ہے کہ مرحوم کو جنت الفردوس میں جگہ اور لواحقین کو صبر جمیل عطاء فرمائیں ۔آمین ۔