بچہ رویا تو شاپنگ بیگ میں ڈال کر چھت سے پھینک دیا ، خاتون کوحراست میں لے لیا،پولیس
گوجرانوالہ (یو این پی)گوجرانوالہ میں ممتا کی محبت سے عاری ماں نے اپنے آٹھ دن کے لخت جگر کو چھت سے نیچے پھینک دیا ، بچہ معجزانہ طور پر محفوظ رہا ، پولیس نے ماں کو حراست میں لے کر تحقیقات شروع کر دیں ۔ 8 دن قبل ہونیوالا ننھا محمد علی روتا تو عائشہ غصے میں آجاتی ۔ گزشتہ رات بچے نے رونا شروع کیا عائشہ آپے سے باہر ہوگئی ، اپنے ہی لخت جگر کو شاپنگ بیگ میں ڈال کر چھت سے نیچے پھینک دیا ۔ بچہ معجزانہ طور پر محفوظ رہا ، گھر والے بچے کو سول ہسپتال لائے جہاں ڈاکٹروں نے بتایا بچے کی حالت خطرے سے باہر ہے ۔ سبزی منڈی پولیس نے ماں کو حراست میں لے کر تحقیقات شروع کر دی ہیں ۔