خاتون نے شوہر کی غیر قانونی گرفتاری کیخلاف احتجاجاً خود کو آگ لگا لی تھی
مظفر گڑھ(یوا ین پی)مظفر گڑھ میں تھانہ کے سامنے پٹرول چھڑک کر خود کو آگ لگانیوالی خاتون نشتر ہسپتال میں دم توڑ گئی ۔ تھانہ گڑھ میں خاتون لڑائی جھگڑے کا مقدمہ درج کرانے گئی تو پولیس نے ملزموں کے ساتھ ساتھ خاتون کے شوہر کو بھی حراست میں لے لیا ۔ شوہر کو رہا نہ کرنے پر دلبرداشتہ ہو کر خاتون نے پٹرول چھڑک خود کو آگ لگالی تھی ۔ ریسکیو ٹیموں نے خاتون کو نشتر ہسپتال منتقل کیا جہاں آٹھ روز زندگی و موت کی کشمکش میں رہنے کے بعد خاتون جمعرات کوچل بسی ۔ خاتون کے شوہر کا کہنا ہے پولیس رویے سے دلبرداشتہ ہوکر خاتون نے خود سوزی کی ۔ احتجاج کرتے ہوئے آگ لگانے پر پولیس نے الٹا شہناز بی بی کے خلاف بھی مقدمہ درج کر دیا تھا ۔