کوئٹہ ‘دہشت گردی کا منصوبہ ناکام،5کلو بم ناکارہ

پولیس نے بم ڈسپوزل اسکواڈ کو طلب کرلیا اور علاقے کو سیل کرکے روڈ پر ٹریفک کی روانی روک دی گئی
نامعلوم افراد نے ارباب کرم خان روڈ کے قریب بم ایک چیک پوسٹ کے اندر اسٹیل کی بالٹی میں نصب کر کے رکھا تھا
بی ڈی اہلکاورں نے موقع پر پہنچ کر بم ناکارہ بنا کر علاقے کو تباہی سے بچالیا
کوئٹہ (یو این پی)کوئٹہ کے علاقے ارباب کرم خان روڈ کے قریب سے 5کلو وزنی بم برآمد کرکے ناکارہ بنادیا گیا۔پولیس کے مطابق نامعلوم افرادکی جانب سے بم ایک چیک پوسٹ کے اندر اسٹیل کی بالٹی میں نصب کر کے رکھا گیا تھا، پولیس نے بم ڈسپوزل اسکواڈ کو طلب کرلیا اور علاقے کو سیل کرکے روڈ پر ٹریفک کی روانی روک دی گئی۔بی ڈی اہلکاورں نے موقع پر پہنچ کر بم ناکارہ بنا کر علاقے کو تباہی سے بچالیا ،بم پانچ کلو وزنی تھا اور اس میں ریموٹ کنٹرول ڈیوائس نصب کی گئی تھی۔ پولیس کے مطابق اس کے اوپر تحریر تھا کہ یہ بروری پولیس تھانہ کے لئے تحفہ ہے۔دوسری جانب ڈی آئی جی پولیس کوئٹہ نے بم کی نشاندہی پرپولیس کانسٹیبل کیلئے5 ہزار روپے نقدانعام کااعلان کیا۔یوا ین پی کے مطابق بم ایک پرانی چیک پوسٹ کے اندر چھوٹی بالٹی میں رکھاگیاتھا، چیک پوسٹ کبھی کبھارپولیس اور ایف سی کی جانب سیاستعمال کی جاتی تھی۔