راولپنڈی(یو این پی) آرمی چیف جنرل قمر جاوید باجوہ نے قصور میں معصوم بچی زینب کے قتل کے واقعے کی مذمت کرتے ہوئے کہا ہے کہ ملزمان کو گرفتار کر کے انصاف کے تقاضے پورے کرنے کی ہدایت کی ہے۔ پاک فوج کے شعبہ تعلقات عامہ آئی ایس پی آر کے مطابق آرمی چیف جنرل قمر جاوید باجوہ نے اپنے بیان میں قصور میں معصوم بچی زینب کے قتل کے واقعے کی مذمت کی ہے اور کہا ہے کہ ملزمان کو گرفتار کر کے انصاف کے تقاضے پورے کیے جائیں اور ملزمان کو انصاف کے کٹہرے میں کھڑا کر کے عبرتناک سزا دی جائے۔ آرمی چیف نے معصوم بچی کے قاتلوں کی گرفتاری کے لیے فوجی حکام کو سویلین انتظامیہ کی ہر ممکن مدد کی ہدایت کی ہے۔