این اے 125 انتخابی عذرداری کیس، خواجہ سعد رفیق کی درخواست پر فیصلہ محفوظ
Published on March 19, 2018 by admin ·(TOTAL VIEWS 618) No Comments
اسلام آباد (یواین پی) سپریم کورٹ نے این اے 125 انتخابی عذرداری کیس میں خواجہ سعدرفیق کی درخواست پر فیصلہ محفوظ کر لیا۔تفصیلات کے مطابق جسٹس شیخ عظمت سعید کی سربراہی میں 2رکنی بنچ نے سماعت کی،وکیل حامد خان نے دلائل دیتے ہوئے کہا کہ این اے 125 میں انتخابی عملے کوتبدیل کیاگیا،انتخابی عمل کے دوران الیکشن قواعد کی خلاف ورزی ہوئی،درخواستگزار کے وکیل کا کہناتھاکہ سینکڑوں فارم 14 قانونی طریقے سے نہیں بھرے گئے۔اس پر جسٹس عظمت سعید نے ریمارکس دیتے ہوئے کہا کہ لگتاہے آپ آئندہ الیکشن سے پہلے فیصلہ نہیں چاہتے،آپ کوعدالتی نظائردینے کیلئے 15 منٹ دیئے تھے،آپ نے تودوبارہ دلائل دیناشروع کردیئے۔
جسٹس عظمت سعید نے کہا کہ آج کے بعد ہمارابنچ دستیاب نہیں، پھرگلہ مت کریں کہ الیکشن سے پہلے فیصلہ نہیں آیا۔سپریم کورٹ نے وکلا کے دلائل مکمل پر فیصلہ محفوظ کر لیا،جسٹس عظمت سعید نے ریمارکس دیتے ہوئے کہا کہ خواجہ سعد رفیق کی درخواست پر فیصلہ محفوظ کر رہے ہیں جو مناسب وقت پر سنایا جائے گا۔واضح رہے کہ الیکشن ٹربیونل نے این اے 125کا انتخاب کالعدم قرار دیا تھا جبکہ وفاقی وزیر ریلوے نے عدالت عظمیٰ سے حکم امتناعی حاصل کر رکھا ہے۔
:اسی سے منسلک خبریں جو آپ پڑھنا چاہیں گے
ہیلتھ کنونشن صحت کے شعبے میں حکومتی اقدامات کا آئینہ دار ہے ایم پی اے مسز شمیلہ اسلم 
پنجابی سونگ’’دل دے کمرے وچ ڈھولا ‘‘کی سوشل میڈیا پر دھوم
بین الاقوامی قانون کی پاسداری کے معاملے میں کوئی “استثنیٰ” نہیں ہے ،چینی وزیر خا رجہ
رضا ربانی کو نامزد کیا گیا تو پیپلز پارٹی سے بات ہو سکتی ہے نواز شریف
کھانے کے ساتھ مرچ اور گرم مصالحے سے بلڈ پریشر قابو میں رہتا ہے، تحقیق
حقیقت کے آ ئینے میں