اسٹیج کی دنیا میں ایسے لوگوں نے ڈیرے جما رکھے ہیں جن کا شوبز سے دور کا بھی تعلق نہیں
لاہور (یواین پی)روایتی کہانیوں ،ذومعنی ڈائیلاگزاور فحش ڈانس آئٹم نے ہمارے اسٹیج ڈرامہ کا ماحول خراب کیا ہے اگر ہم اچھے موضوعات لے کر مضبوط اسکرپٹ اور اچھی کاسٹ کے ساتھ اسٹیج ڈرامہ پیش کریں تویقیناذومعنی ڈائیلاگزاور فحش ڈانس آئٹم کا سہارا لئے بغیر شائقین ڈرامہ اور فیملیز کا رخ اسٹیج ڈرامہ کی جانب موڑ سکتے ہیں ان خیالات کا اظہارایم اے ٹھاکر کامیڈی نے یواین پی سے ایک ملاقات کے دوران کیا انہوں نے مزید کہااسٹیج کی دنیا میں ایسے لوگوں نے ڈیرے جما رکھے ہیں جن کا شوبز سے دور کا بھی تعلق نہیں انہی مفاد پرست عناصر نے اسٹیج کا ماحول خراب کر رکھا ہے ۔