خود میں جھانکو.

Published on February 24, 2020 by admin ·(TOTAL VIEWS 436) No Comments

تحریر: ملک امجد علی

بچپن سے سنتے آۓ ہیں کہ امریکہ ہمارا دشمن، ایران ہمارا دشمن، بھارت ہمارا دشمن،افغانستان ہمارا دشمن،روس ہمارادشمن ہے مگر سچ تو یہ ہے کہ ہم اپنے دشمن خود ہیں ۔کرپشن کا ہر طریقہ ہم لوگوں کے پاس سے جنم لیتا ہے وہ چاہے اس ملک کا اعلیٰ عہدیدار ہو یا اس ملکِ پاکستان کا عام شہری جہاں جس کا بس چلا اس نے ملک کی معیشیت کو لوٹا وہ پھر ایک دودھ والے کی شکل میں ہو یا ٹاٸر پنچر کی دوکان والا، دودھ والے کو آپ جتنا بھی بولیں کہ خالص دودھ دے وہ پیسے تو خالص دودھ کے لے گا مگر دودھ آپکو ملاوٹ والا ہی دیگا، وہ چاہے پانی ہو یا پاٶڈراسی طرح سے پنچروالا آپ کبھی آزمالیں آپ ایک نٸی ٹیوب لیں اور اس سے ہوا نکال کر پنچر والے کے پاس جاٸیں اور اسے کہیں کہ میری موٹر ساٸیکل کو پنچر لگادو میں تھوری دیر میں آتا ہوں تو آپکی واپسی پر دو یا تین پنچر اس ٹیوب سے نکال کر پنچر لگا چکا ہوگا، اسی طرح سے فرنیچربنانے والا آپ اس سے کہیں کہ آپ کو فرنیچر چاھٸیے اور وہ بھی پکی لکڑی سے بنا ہوا تو وہ آپ سے پیسے تو اچھی چیز بنانے کے لے گا اور آپکو ملاوٹ شدہ لکڑی کا مال ملے گا یعنی اس میں بیکار لکڑی استعمال کرےگا اسی طرح سے فرج ٹی وی بنانے والا اِک عام سا مستری۔سر آپ کے فرج کا تو کمپریسر جل گیا ہے چاھے اسکا کوٸی عام سا کوٸی پرزہ خراب کیوں نا ہوگیا ہو مگر آپ سے پیسے کمپریسر بنانے یا نیا لگانے کے وصول کرلیگا، یہ اقسام ہیں پکرپشن کی۔ پھر ہم کہتے ہیں کہ ملک میں کرپشن بڑھ گٸی ہے.خود کو ہر غلطی سے مبرا سمجھ کر الزامات دوسروں پر تھونپ دیتے ہیں۔اور حکمراں کے کرپٹ ہونے کارونا روتے رہتے اور خود کو جھوٹی تسلیوں کے پہاڑ کے بوجھ تلے دباتے نظر آتے ہیں. ہم پیارے نبی حضرت محمد صلی اللہ علیہ وسلم کو اپنا آٸیڈیل مانتے ہیں مگر ہم نے کبھی اپنے غریب پڑوسی کی خبر لی کہ وہ کس حال میں ہے اس کے گھر کا چولہا کیسے جلتا ہے وہ سارا دن مزدوری کرکے اپنے بچوں کا پیٹ کیسے پالتا ہے کبھی ہم نے یہ معلوم کرنے کی کوشش کی کہ اس غریب مزدور کو آج مزدوری ملی بھی یا نہیں۔ ہم سے جدا ہونے والے ملک بنگلادیش جو کبھی اپنی عورتیں بیچے میں مشہور تھا آج ان کے سمارٹ فونز امریکہ کی مارکیٹ کی زینت بننے جارہا ہے۔ مگر ہمارے ملک کا پی ٹی سی ایل کا بنایا گیا Vواٸرلیس کیوں فیل ہوا وہ بھی تو کرپشن کی نظر ہوگیا۔ بھارت جسے ہم اپنا سب سے بڑا دشمن مانتے ہیں ہم سے ریلوے کے معاملہ میں سوسال آگے کیوں ہے۔اور ہم ابھی تلک یہ فیصلہ کرنے میں پریشان ہیں کہ کتنی ٹرینیں بند کریں اور کتنی کیونکہ ہمارا ریلوے خسارے میں ہے کیوں؟اور جب بکنگ کے لٸے ریلوے اسٹیشن جاٶ تو پتا چلتا ہے کہ ٹرین میں پورا ہفتہ کی ایڈوانس بکنگ ہو چکی ہے۔پھر بھی خسارہ کیوں؟ دوسرا دشمن ملک ایران جس پر ساری دنیا کی پابندیاں رہنے کے باوجود وہ ہم سے ہزار گنا ترقی یافتہ ملک ہے اور ہم گیس اسی ملک سے لینے کی خواہش میں مختلف دہشتگرد تنظیموں کے ہاتھوں پاٸپ لاٸن کو تباہ ہوتے دیکھتے رہتے ہیں اور یہ وہ دہشتگرد تنظیمیں ہیں جن کا اصل میں کوٸی وجودہی نہیں۔ اور اپنے ملک میں پاٸی جانے والی گیس پر آج تک یہ فیصلہ نہیں کر پاۓ کہ اسے کیسے بانٹا جاۓ کہ یہ اللہ کی نعمت ہر صوبے کو برابر مل سکے۔اور ہمارے بعد آذاد ہونے والاملک چین جسے ہم بڑے فخر سے اپنا بہت قریبی اور مخلص دوست مانتےہیں جس نےموزی مرض کرونا واٸرس سے نجات پانے کیلٸے دس دن کے اندر اسپتال بنایا اور چَلا کر اپنے لوگوں کو اس موزی مرض سے نجات پانے میں دن رات اپنے لوگوں کی خدمت میں مصروف ہوگٸے اور ہم یہاں ابھی تک کتوں کے کاٹنے کی ویکسین کا بندوبست نہیں کر پاۓ.آج کل ہم ملک ترکی کے بڑے فین ہوتے جارہے ہیں یہ وہ ملک ہے جو کبھی ہماری طرح آٸی ایم ایف کے قرض کے پہاڑ تلے دبے ہوۓ تھے اپنے ملک کے ساتھ مخلصی اور سچاٸی کی وجہ سے وہ ملک ناصرف قرض سے نجات پاگیا بلکہ وہ آج اس جگہ پر ہے کہ اگر آٸی ایم ایف کو قرض لینا پڑے تو ملک ترکی دینے کے لٸے طیار ہے اور ایک ہم ہیں کہ قرض لیکر موٹر وے بناتے ہیں اور پھر اسی موٹر وے کو سال ہا سال کے لٸے بیچ دیتے ہیں پھر بھی قرض ہے کہ اترنے کا نام ہی نہیں لیتا۔ ایسی مثالوں سے دنیا بھری پڑی ہےجو زمین دوز ہونے کے باوجود خود کو اس طرح دنیا کے نقشہ پر روشن کیا جو اپنی مثال آپ ہیں اور ہم نے جو کبھی ترقی کی راح پر گامزن تھے آج اس اندھیرے میں جارہے ہیں کہ کوٸی راہ نکلنے کی نظر نہیں آتی اور یہ سب ہماری غلطیاں ہیں جنہیں ہم دوسروں پر ڈال دیتے ہیں اپنے ماضی اور حال کے سیاست دانوں پر۔اگر ہم خود اس ملک ساتھ سچے ہوجاٸیں تو کیا مجال ہے سرکاری افسران اور سیاست دانوں کی کہ وہ اس پیارے وطن پاکستان کو کچھ نقصان پہنچا سکیں ۔پہلے اپنے گریباں میںٍ جھانکو پھر فیصلہ کرو کہ ہم کتنے اس ملک کے ساتھ سچے ہیں۔ نہیں تو قیامت کے دن ہم خود سے دستِ گَریباں ہوتے رہیں گے۔

Chat Conversation End

Type a message…