پی ایس ایل 6 کے میچز پشاور میں بھی کھیلے جائیں گے، جاوید آفریدی نے زلمی فینز کو بڑی خوشخبری سنادی

پشاور (یواین پی ) پشاور زلمی کے چیئرمین جاوید آفریدی نے زلمی فینز کو بڑی خوشخبری سنادی۔ انہوں نے زلمی فینز کو مبارکباد دیتے ہوئے کہا کہ وعدے کے مطابق پشاور سٹیڈیم میں پی ایس ایل 6 کے میچز منعقد کرائے جائیں گے۔ اس موقع پر انہوں نے پی سی بی اور اور خیبر پختونخوا حکومت کا شکریہ بھی ادا کیا۔خیال رہے کہ رواں برس پی ایس ایل 5 کے میچز لاہور، راولپنڈی، ملتان اور کراچی کے سٹیڈیمز میں کرائے گئے تھے۔اس سے قبل ہونے والے سیزنز متحدہ عرب امارات میں کھیلے گئے جبکہ فائنل میچز لاہور اور کراچی میں کرائے جاتے رہے ہیں۔