ڈینگی سے بچاﺅ کے لئے تمام ادارے طے شدہ ایس او پیز پر عمل در آمد کو یقینی بنائیں عامر عقیق خان

اوکاڑہ (یو این پی) ڈپٹی کمشنرعامر عقیق خان نے کہا ہے کہ ڈینگی سے بچاﺅ کے لئے تمام ادارے طے شدہ ایس او پیز پر عمل در آمد کو یقینی بنائیں ویکٹر سر ویلینس کے ذریعے ان ڈور اور آﺅٹ ڈور کام کرنے والی ٹیمیں انتہائی احتیاط اور ذمہ داری سے خدمات سر انجام دیں شہروں میں ٹائر شاپس ،کباڑ مارکیٹ ،قبرستانوں،نرسریوں سمیت دیگر ہاٹ سپاٹس پر تمام تر توانائیاں مرکوز کی جائیں تاکہ ڈینگی کے خطرہ کو کم سے کم کیا جا سکے ان خیالات کا اظہار انہوں نے انسدادڈینگی کے جائزہ اجلاس کی صدارت کرتے ہوئے کیا ۔اجلاس میں سی ای او ہیلتھ ڈاکٹر یاسر عرفان ،ڈسٹرکٹ اینٹا مالوجسٹ ڈاکٹر محمد اقبال ،ڈی او ہیلتھ سید سجاد گیلانی ،ڈسٹرکٹ ایمرجنسی آفیسر چوہدری ظفر اقبال ، سپتالوں کے ایم ایس صاحبان ،ماحولیات ،بلدیاتی اداروں سمیت دیگر تمام متعلقہ اداروں کے افسران نے شرکت کی ۔سی ای او ہیلتھ ڈاکٹریاسر عرفان اور ڈسٹرکٹ اینٹا مالوجسٹ ڈاکٹر محمد اقبال نے بتایا کہ انسداد ڈینگی کے اقدامات کے ساتھ ساتھ کسی بھی غیر متو قع صورتحال سے نپٹنے کے لئے تمام تر انتظامات کئے گئے ہیں ضلع کے سرکاری ہسپتالوں میں ڈینگی مرض کی تشخیص اور علاج کے لئے ادویات کی سہولیات موجود ہیں اورڈی ایچ کیو میں انتہائی نگہداشت یونٹ بھی قائم ہے جبکہ سرکاری ہسپتالوں میں ڈینگی وارڈ بھی فنگشنل ہیں ۔ ڈپٹی کمشنر عامر عقیق خان نے کہا کہ ضلع بھر میں عوا م کو ڈینگی سے بچاﺅ کے سلسلہ میں آگاہی پروگرام کے ذریعے بتایا جائے تمام متعلقہ محکمے شہروں میں کوڑا کرکٹ کو تلف کرنے ،صفائی ستھرائی کے کام پر بھی بھرپور توجہ دیں انہوں نے کہا کہ ہمیں انسداد ڈینگی کے لئے ایک مربوط حکمت عملی کے تحت آگے بڑھنا ہے تاکہ لوگوں کو اس مرض سے بچاﺅ کے لئے موثر تدابیر اختیار کرنے کی طرف راغب کیا جا سکے ۔